Сотнік і Канавалаў Вярнуцца да спісу

Сёння ў прайграным жодзінскім тарпедаўцам матчы прымалі ўдзел два гульца, якія не прымалі ўдзел у першым трэніровачным зборы. Прама на гульню пад'ехалі два новых ўкраінца – Уладзіслаў Сотнік і Сяргей Канавалаў. Выхаванец ДЮФШ кіеўскага «Дынама» Сотнік (17.02.1997) у чэрвені 2015 года па сваёй ініцыатыве ўжо прыязджаў у Гродна. Не увянчаўся поспехам яго прагляд паўтара гады таму, не атрымалася сваёй гульнёй пераканаць трэнерскі штаб і на гэты раз. Канавалаў пасля матча з «Тарпеда-БелАЗ» разам з камандай адправіўся ў мінскую гасцініцу «Sport Time», а заўтра прыме ўдзел у другім матчы турніру «Белазавец-2017».

Сяргей Канавалаў (10.06.1994; рост – 180 см, вага – 70 кг) з'яўляецца выхаванцам кіеўскага футбола. Сын вядомага гульца кіеўскага «Дынама» і зборнай Украіны Сяргея Канавалава. На юнацкім узроўні выступаў за кіеўскія ДЮСШ-15 і «Зорку». У дарослым футболе дэбютаваў у 2012 годзе ў складзе аматарскага клуба «Чайка» з Андрэеўкі. З 2012 па 2014 гады выступаў за дубль ФК «Севастопаль», правёўшы за асноўную каманду ўсяго некалькі матчаў. Улетку 2014 года Мікіта Канавалаў згуляў 2 матчы за данецкі «Алімпік» у моладзевым чэмпіянаце Украіны, а зімой 2015 года перабраўся ў «Гурыю» з Ланчхуці. Быў у Грузіі нядоўга. Ужо праз паў гады Канавалаў вярнуўся дамоў і стаў гульцом клуба «Арсенал-Кіеўшчына», які пакінуў у канцы лістапада таго ж года, правёўшы за клуб толькі 6 матчаў. Апошнім клубам паўабаронцы была «Палтава».