Усіх чакаюць у студзені ў Гродна Вярнуцца да спісу

Па завяршэнні сезона выйшлі тэрміны дзеяння кантрактаў або арэндных пагадненняў у 19 гульцоў нашага клуба. На дадзены момант юрыдычна гульцамі «Нёмана» не з'яўляюцца наступныя футбалісты: Курганскі, Сасноўскі, Анюкевіч, Касмынін, Горбач, Дземідовіч, Ражок, Рудзік, Васькоў, Бомбель, Смунёў, Савасцьянаў, Савіцкі, Канцавы, Пол Ралан, Паўлавец, Кавалёнак, Клімовіч і Лукашык. У снежні да іх далучацца яшчэ шэсць маладых футбалістаў: Шышлоў, Аляксей Носко, Лешка і Сенкевіч, а таксама адпраўленыя ў арэнду Касцючык і Забелін.

З тых хто быў задзейнічаны ў гульнях асноўнага складу дзеючы кантракт толькі ў Журава, Пазняка і Журневіча. На кантрактах знаходзяцца і некалькі гульцоў дублюючага склада жоўта-зялёных: Кругленя, Бяценя, Буцько і Пілец. Таксама гульцамі «Нёмана» з'яўляюцца аддадзеныя ў арэнду ў іншыя клубы Квенцар, Ганчарук, Гольцаў, Цеслюкевіч, Васілючак, Хвалько і Лукашын. Пасля заканчэння адпачынку ўсё яны вяртаюцца ў Гродна.

Зразумела, што ў міжсезонні склад гродзенскага клуба чакаюць перамены. Тым не менш, галоўны трэнер клуба Ігар Кавалевіч пакуль яшчэ ні з кім не развітаўся канчаткова. Арандаваныя «Нёманам» гульцы першапачаткова вярнуцца ў свае клубы, а ўжо потым стане ясна, ці змогуць яны працягнуць выступаць за гродзенскую каманду. Магчыма нехта сам захоча знайсці варыянт працягу кар'еры ў іншым клубе. Астатніх хлопцаў чакаюць у першай палове студзеня ў Гродна, калі каманда выйдзе з адпачынку і прыступіць да трэніровак.