Лешка, Паўлавец і Яроцкі ў маладзёжнай зборнай краіны Вярнуцца да спісу
У пятніцу маладзёжная зборная Беларусі, складзеная з футбалістаў 1996 года нараджэння (і маладзейшыя), згуляе таварыскі матч супраць аднагодкаў з Украіны. На гэты матч маладзёжку новага склікання павязе яшчэ Кавалевіч, а вось далей трэніраваць каманду будзе іншы трэнер. У ліку прэтэндэнтаў на пасады галоўнага трэнера маладзёжнай зборнай называліся Алег Кубараў, Уладзімір Журавель, Людас Румбуціс, Аляксандр Седнёў, Аляксей Мяркулаў, Міхаіл Мархель і Сяргей Саладоўнікаў.
На збор, які пачаўся 7 лістапада, Кавалевіч выклікаў 20 футбалістаў. Гродзенскі клуб прадстаўлены трыма гульцамі. На збор у Мінск адправіліся абаронцы Аляксандр Паўлавец і Яўген Лешка, а таксама паўабаронца Яраслаў Яроцкі. Таксама ў зборную быў выкліканы арандаваны «Лідай» абаронца Ягор Хвалько, аднак з-за атрыманай траўмы калена ў Мінск ён не паехаў.
Брамнікі: Дзяніс Шчарбіцкі (БАТЭ, Барысаў), Арцём Белы («Іслач», Мінскі раён).
абаронцы: Аляксандр Паўлавец, Яўген Лешка (абодва – «Нёман», Гродна), Дзмітрый Байдук («Смалявічы-СТІ»), Аляксей Іваноў («Дынама-Брэст»), Ілля Рашчэня («Зорка-БДУ»), Захар Волкаў («Орша»), Максім Яблонскі («Смаргонь»);
паўабаронцы: Яраслаў Яроцкі («Нёман», Гродна), Яўген Бярозкін («Нафтан», Наваполацк), Аляксандр Джыгеро (БАТЭ, Барысаў), Уладзіслаў Федотаў («Іслач», Мінскі раён), Аляксей Тараканаў («Смаргонь»), Міхаіл Шыбун («Шахцёр», Салігорск), Яўген Шаўчэнка («Мінск»);
нападнікі: Валерый Грамыка, Арцём Васільеў (абодва – «Мінск»), Максім Санец («Крумкачы», Мінск).
Матч супраць Украіны U-21 адбудзецца 11 лістапада і пройдзе ў Палтаве на стадыёне «Ворскла імя А.Бутоўскага». Пачатак сустрэчы ў 18:30 па мясцовым часе (19:30 па нашаму).
Фота: Ксенія Дзеравяга
