Адзіны тыдзень масавага футбола Вярнуцца да спісу

У сярэдзіне верасня ў Гроднf ў межах «Адзінага тыдня масавага футбола – 2016» былі арганізаваныя некалькі мерапрыемстваў. 10 верасня ў Каложскім парку на стадыёне СДЮШАР «Нёман» прайшлі турніры сярод дзяцей 2008 і 2009 гадоў нараджэння, у якім удзельнічалі 8 школьных каманд. Усяго ў спаборніцтвах прымала ўдзел больш за 150 дзяцей.

20 сямейных каманд заявіліся на міні-турнір «Тата+сын» (дзеці 8-11 гадоў). З-за вялікай колькасці ўдзельнікаў пераможца быў вызначаны па алімпійскай сістэме. Першае месца заняла сям'я Лышчык (тата Валерый, сын – Канстанцін, 2006 года нараджэння), якая ў фінале адолела Бараноўскіх (тата Віталь, сын – Арсеній 2008 г.н.).

Многія ўдзельнікі турніру атрымалі невялікія падарункі ад нашага футбольнага клуба і АБФФ.

На працягу чатырох дзён у чатырох навучальных установах прадстаўнікі нашай школы правялі акцыю «Футбольны майстар-клас». З 13 па 16 верасня трэнеры школы пабывалі ў СШ №40, СШ №32, гімназіях №4 і №2. На спартыўных пляцоўках навучальных устаноў заўсёды збіралася шмат дзяцей, для якіх праводзіліся конкурсы, паказваліся розныя практыкаванні з мячом. І тут не абышлося без падарункаў. Кожная школа атрымала па футбольным мячыку.