Змены ў кіруючым складзе школы Вярнуцца да спісу
З 1 верасня адбыліся змены ў кіруючым складзе СДЮШАР «Нёман». Новым дырэктарам школы быў прызначаны Васіль Аляксандравіч Савіч, да гэтага моманту ўзначальваў аддзел дзіцяча-юнацкага футбола.
Спраўка прэс-службы клуба:
Васіль Аляксандравіч САВІЧ нарадзіўся ў горадзе Давыд-Гарадок 15 лістапада 1964 году.
В 1990 годзе скончыў Брэсцкі дзяржаўны педагагічны універсітэт, а ў 2000 годзе – аспірантуру ГрДУ імя Я.Купалы.
Пасля заканчэння брэсцкага універсітэта быў накіраваны на працу ў гродзенскі ўніверсітэт на факультэт фізічнай культуры, у якім працуе і па гэты дзень у якасці старшага выкладчыка кафедры спартыўных гульняў.
З 2000 па 2007 год працаваў дырэктарам спартыўнага комплексу ГрДУ, паралельна трэніруе дзяцей у ДЮСШ «Белкард» (2001-2007). З сакавіка 2007 года па снежань 2008-м працаваў у футбольным клубе «Дынама-Белкард» (начальнік, спартыўны дырэктар, дырэктар), са снежня 2008 перайшоў на пасаду кіраўніка аддзела дзіцяча-юнацкага футбола ў «Нёман».
Чатыры яго выхаванца выступалі за юнацкія зборныя Беларусі: Лявіцкі Сяргей (U17, U19), Галаўніцкі Юрый (U17, U19), Дудар Дзмітрый (U17, U19), Грашчоў Дзмітрый (U17).
Стаяў ля вытокаў развіцця ў Гродна міні-футбола і пляжнага футбола.
З'яўляецца членам Выканкама ГА «Беларуская асацыяцыя міні-футбола (футзала)», членам Выканкама Асацыяцыі «Федэрацыя пляжнага футбола» Рэспублікі Беларусь, а таксама галоўным трэнерам каманды па пляжным футболе «Гроднавоблспорт».
На месца кіраўніка аддзела дзіцяча-юнацкага футбола прызначаны Віталь Аляксандравіч Надзіеўскі, які таксама працягне працаваць у трэнерскім штабе дублюючага склада жоўта-зялёных.
Які ўзначальваў СДЮШАР з 2011 года Аляксандр Уладзімір Балуха працягне працу ў футбольнай школе. На дадзеным этапе ён пераведзены на трэнерскую працу.
