Юнацкае першынство Вярнуцца да спісу
Травеньскі адрэзак, можна сказаць, атрымаўся нашым юнацкім камандам. З 11 матчаў перамагчы атрымалася ў шасці, а агульная карціна апошняга месяца вясны выглядае так: +6=2-3, розніца мячоў 23-17. Лепш за ўсіх адыграў «Нёман» U-17, які набраў 10 ачкоў з 12 магчымых.
«Нёман» U-19 правёў тры матчы, у якіх атрымаў дзве перамогі (+2=0-1, мячы 7-5). У матчы 26-га тура гродзенцы дома з буйным лікам саступілі мінскаму РЦАР 0:3 (у першым крузе прайгралі 1:3), а затым рушылі ўслед дзве перамогі. 23 траўня была біта «Белшына» 3:0 (Сенкель 2, аўтагол; першы круг - 0:1), а праз два дні «Славія» 4:2 (Буцько 3, Сенкель; першы круг - 1:3). Абодва матчы адбыліся ў Гродне.
Калі параўноўваць з вынікамі гэтага гульнявога адрэзка з вынікамі першага круга, то сітуацыя значна палепшылася. У 2015 годзе ў матчах супраць гэтых каманд жоўта-зялёныя не набралі ні аднаго бала, зараз жа ў скарбонку лягло шэсць балаў. Каманда Агародніка дзякуючы двум перамогам паднялася на адзін радок і цяпер займае 11-е месца.
U-19 | табліца і вынікі | пратоколы, статыстыка каманды
«Нёман» U-17 за гэты час сыграў чатыры матчы, у якіх ні разу не саступіў (+3=1-0, мячы 11-3). Жоўта-зялёныя нечакана абыгралі дзве мінскія каманды, якія знаходзяцца ў верхняй частцы табліцы. 15 траўня быў абыграў лідэр першынства РЦАР БДУ - 1:0 (Грыгор'еў; першы круг - 0:2), а 28 траўня які ідзе чацвёртым РГУАР - 2:1 (Грыгор'еў, Главіцкі; першы круг - 2:3). Паміж двума гэтымі найцяжэйшымі матчамі падапечныя Івана Белавы разграмілі бабруйскую «Белшыну» - 6:0 (Кулабухаў, Главіцкі, Кузміцкі, Анікеенка, Пілец, Лех; першы круг - 4:1) і згулялі ўнічыю з мазырскай «Славіяй» - 2:2 ( Кузьміцкі, Пілец; першы круг - 0:0).
Каманда паказала добры вынік, аднак страчаныя раней ачкі не дазваляюць на што-небудзь прэтэндаваць. Радуе, што ў жоўта-зялёных паляпшаецца паразуменне на полі. З такой гульнёй магчыма атрымаецца ўдала накаціць на фініш і палепшыць сваё турнірнае становішча. Пасля 28-га тура каманда займае 13-е месца.
U-17 | табліца і вынікі | пратаколы, статиыстыка каманды
«Нёман» U-16 сыграў толькі дзве гульні (+0=1-1, мячы 3-6). У матчы 15-га тура хлопцы не ўтрымалі пераможны рахунак, дазволіўшы «Белкарду» згуляць унічыю 1:1 (Безносік; першы круг - 2:2), а ў наступным і зусім саступілі лідэру першынства «Мінску» 2:5 (Трюхан, Безносік ; першы круг - 2:7). Матч 17-га тура супраць мінскага РГУАР не адбыўся і быў перанесены на 1 чэрвеня.
Да канца першынства нашым хлопцам засталося правесці 2 матчы. У лепшым выпадку, калі ўдасца перайграць РГУАР і брэсцкае «Дынама», падапечныя Марата Белезяка падымуць на 7-е месца ў сваёй падгрупе.
U-16 | табліца і вынікі | пратаколы, статыстыка каманды
«Нёман» U-15 правёў два матчы, у якіх набраў 3 ачкі (+1=0-1, мячы 2-3). У гродзенскім дэрбі ўдалося перамагчы «Белкард» - 2:0 (Семянчук, Якавенка; матч першага круга 0:4), а »Мінску» саступілі - 0:3 (першы круг 0:9). За тур да фінішу наша каманда займае 8-е месца ў сваёй групе, адстаючы ад «Белкарда» на 1 ачко. У апошнім туры каманда Віктара Юйко дома прымае «Дынама-Брэст», а «Белкард» прымае «Гарадзею».
U-15 | табліца і вынікі | пратаколы, статыстыка каманды&nb
