Вячэрняя трэніроўка Вярнуцца да спісу
Аўтобусы дубля і асновы сустрэліся за 30 кіламетраў ад Мазыра. Маладзёжка везла ў Гродна тры заслужаных ачкі, а вось аснова пад'язджала да месца дыслакацыі. Старэйшым жоўта-зялёным заўтра яшчэ толькі трэба будзе пазмагацца за гэтак неабходныя турнірныя балы з камандай Пунтуса.
У гэтым годзе было вырашана памяняць месца пражывання ў Мазыры. Тым больш што для дубля гэты Guest House апынулася ўдалым.
Праз дваццаць хвілін пасля прыезду каманда выйшла да аўтобуса, села і паехала на старэнькі «Спартак», дзе і правяла вячэрнюю трэніроўку.
Трэба сказаць, што атмасфера на гэтым стадыёне і каля яго проста цудоўная. Такое ўражанне, што на машыне часу пераносішся на некалькі дзесяцігоддзяў таму, і калі крыху ўключыць уяўленне і прыкрыць вочы, то цалкам можна ўявіць і пачуць гукі футбольных баталій мінулых гадоў.
Утульнае і добрае месца. Гісторыя...