На прагляд прыбыў Чухлей Вярнуцца да спісу
Да трэніровак «Нёмана» далучыўся яшчэ адзін патэнцыйны навічок клуба Андрэй Чухлей (нарадзіўся ў Мінску 2 кастрычніка 1987; рост – 175 см, вага – 68 кг). Паўабаронца з'яўляецца выхаванцам мінскай футбольнай школы «Арбіта», а першым клубам Андрэя стаў сталічны клуб «Дынама-Юні». Пасля шасцігадовага знаходжання ў мінскім «Дынама» Чухлей перабраўся ў Расію, дзе выступаў за екацярынбурскі «Урал» (у тым ліку 8 матчаў у расійскай Прэм'ер-Лізе ў сезоне 2013/14) і «Цюмень». У мінулым годзе вярнуўся ў Беларусь і згуляў у чэмпіянаце Беларусі 21 гульню: 10 матчаў у складзе «Мінска», 11 матчаў у складзе «Віцебска».
За сваю кар'еру гулец двойчы станавіўся срэбным прызёрам чэмпіянату Беларусі (2008 і 2009), двойчы – уладальнікам Кубка ФНЛ (спаборніцтва, якое праводзіцца сярод лепшых каманд нацыянальнай Футбольнай лігі Расіі ў зімовы перапынак) і пераможцам Першынства ФНЛ у сезоне 2012/13 года. З 2005 па 2013 гады выступаў за розныя зборныя Беларусі (U-19, U-21, нацыянальная).
