Мінус Нікіцін, плюс Пяцігорац Вярнуцца да спісу
На жаль, нападнік Яўген Нікіцін, які знаходзіўся на праглядзе, на адной з трэніровак падвярнуў нагу і ў гэты ж дзень адбыў назад у Мінск.
Сёння ў Гродна прыбыў дваццаціпяцігадовы брамнік Уладзімір Пяцігорац (12 красавіка 1990, г. Мінск, рост – 186 см, вага – 76 кг), які два апошнія сезоны знаходзіўся ў размяшчэнні цяперашняга пачаткоўца лігі з Гарадзеі. У мінулым годзе яму давялося згуляць толькі ў кубкавым матчы ў адказ 1/8 фіналу супраць «Мінска». У тым матчы цукравікі саступілі 0:2 і выбылі з далейшай барацьбы. У чэмпіянаце Уладзіміру згуляць не ўдалося. Асноўным галкіперам «Гарадзеі» быў Ігнат Дастанка, а другім – літовец Сімас Скіндэрыс.
Малады галкіпер мае вопыт выступлення ў першым дывізіён краіны. У 2010 годзе ён выступаў за «Партызан», а ў 2013 быў у заяўцы «Тарпеда-БелАЗ». Усяго брамнік правёў на вышэйшым узроўні 22 матчы, у якіх прапусціў 53 галы.
