Новы кантракт Кавалевіча Вярнуцца да спісу

Сёння быў працягнуты кантракт з галоўным трэнерам жоўта-зялёных Ігар Кавалевіч.

Новае пагадненне паміж клубам і трэнерам разлічана да канца наступнага сезона. Нагадаем, што Ігар Кавалевіч узначаліў клуб летам 2016 года, калі «Нёман» замыкаў турнірную табліцу. За гэтых 15 месяцаў каманда пад кіраўніцтвам Кавалевіча правяла ў чэмпіянаце ўжо 45 гульняў, 19 з якіх сталі для гродзенцаў пераможнымі. Працэнт пераможных матчаў клуба за гэты перыяд складае 42,22%, што з'яўляецца другім паказчыкам у суверэннай гісторыі каманды пасля каманды Станіслава Уласевіча, які кіраваў «Нёманам» з 1992 па верасень 1993 (56 матчаў: 29 перамог / 51,79%).

Больш падрабязна пра кар'еру і дасягненні нашага галоўнага трэнера ў любы момант можна даведацца на старонцы раздзела ЖЗЛ. Жоўта-зялёныя людзі: Ігар Кавалевіч.

Яшчэ больш перамог і ўдачы, Ігар Мікалаевіч!