EURO 2019 Вярнуцца да спісу
Два футбаліста нашай каманды ўвайшлі ў канчатковы спіс з 25 гульцоў моладзевай зборнай Беларусі (U-21), якія будуць рыхтавацца да адборачных матчаў моладзевага чэмпіянату Еўропы 2019.
1 кастрычніка на збор каманды ў Мінску павінны прыбыць Ягор Хвалько і Уладзіслаў Клімовіч. Праз два дні каманда Людаса Румбуціса адправіцца ў Заграб, дзе 5 кастрычніка сустрэнецца са зборнай Харватыі ў горадзе Вараждын на стадыёне «Анжелку Херявец». 10 кастрычніка зборная Беларусі U-21 на «Гарадскім» у Барысаве правядзе хатні матч кваліфікацыі супраць Малдовы.
У выніковы склад трапіў таксама наш брамнік Максім Шышлоў, які на правах арэнды перайшоў у мікашэвіцкі «Граніт». Арэнднае пагадненне галкіпера разлічана да канца гэтага сезона.
Поўны спіс выкліканых на матчы гульцоў выглядае наступным чынам:
брамнікі – Максім Шышлоў («Граніт-Мікашэвічы» Мікашэвічы), Дзяні Шчарбіцкі (БАТЭ, Барысаў), Павел Паўлючэнка («Дынама-Брэст»), Павел Галавенка («Мінск»);
абаронцы – Ягор Хвалько («Нёман» Гродна), Кірыл Пячэнін, Захар Волкаў, Аляксандр Чыж (усе – «Нафтан» Наваполацк), Аляксандр Паўлавец («Тарпеда-БелАЗ» Жодзіна), Максім Швецоў («Дынама-Мінск»), Аляксей Іваноў («Дынама-Брэст»);
паўабаронцы – Уладзіслаў Клімовіч («Нёман» Гродна), Дзмітрый Бяссмертны, Іван Бахар (абодва – «Мінск»), Міхаіл Шыбун («Гарадзея»), Яўген Бярозкін (БАТЭ Барысаў), Раман Юзэпчук, Павел Седзько («Дынама-Брэст»), Аляксандр Джыгера («Дняпро» Магілёў), Кірыл Капленка («Зеніт» Санкт-Пецярбург, Расія);
нападнікі – Дзмітрый Анцілеўскі («Дняпро» Магілёў), Віталь Лісаковіч («Шахцёр» Салігорск), Валерый Грамыка, Яўген Шаўчэнка (абодва – «Мінск»), Арцём Кійко («Дынама-Мінск»).
