Чэмпіянат Беларусі: юбілейныя галы
Па падліках статыстычнага аддзела газеты ПБ наступны забіты гродзенскім клубам гол стане для жоўта-зялёных васьмісотым у першым дывізіёне. Аднак тут у нас вымалёўваюцца рознагалоссі з шаноўнай спартыўнай газетай краіны. Мы лічым, што да гэтай круглай адзнакі нам засталося стварыць два дакладных удара. Уся справа ў адрозненні ў падыходах падліку гэтых самых яркіх імгненняў футбола. Свой пункт гледжання ў гэтым пытанні пастараемся растлумачыць.
Такім чынам, у чым жа нашы разыходжанні і адкуль з'явілася розніца ў адзін мяч, а з ёй і галаўны боль для ўсіх аматараў статыстыкі.
Галоўнае спартовае выданне ў гэтым пытанні мае вельмі просты падыход – каманда забіла ў сезоне столькі мячоў, колькі іх у яе лічыцца ў выніковай табліцы. Усе без выключэння: забітыя рэальнымі гульцамі падчас рэальнай гульні, а таксама ўсе тэхнічныя ўзяцці брамы. У той жа самы час, яны не ўлічваюць забітыя галы ў матчах, вынікі якіх былі пасля ануляваныя па розных прычынах.
У нашым выпадку такіх матчаў чатыры. І калі ануляваць матч супраць мінскага «Дынама-93» – выніковая нічыя 0:0, а таксама тэхнічны вынік +:-, у прайграным мінскім тарпедаўцам матчы 0:2, на гэты падлік ніяк не паўплывалі, то дзве іншыя сустрэчы жоўта-зялёных сталі прычынай нашых з ПБ розначытанняў.
У сезоне 1993/94 гродзенцам была прысуджана тэхнічная перамога 3:0 над старадарожскім «Будаўніком», хоць сам матч скончыўся ўнічыю 1:1. Амаль праз 16 гадоў здарыўся яшчэ адзін такі матч, толькі на гэты раз ад дысцыплінарнага камітэта дасталася «Нёману». Матч жоўта-зялёных супраць мікашэвіцкага «Граніту» завяршыўся ўнічыю 1:1, аднак праз некаторы час гэты вынік павярнуўся тэхнічным паразай 0:3. Як бачыце, у гэтых двух матчах гродзенцамі былі забітыя два мячы – аўтары галоў С.Саладоўнікаў і В.Надзіеўскі. Замест двух забітых галоў якія маюць канкрэтныя прозвішчы іх аўтараў, у статыстычных дадзеных з'явіліся тры тэхнічных гола без імя (парадкавыя нумары галоў у спісе ПБ – 61, 62, 63). Здарся гэты матч крыху пазней, калі на рахунку каманды было б забіта 97, 98 або 99 галоў, то пры прэсболаўскім падыходзе падліку, аўтарам сотага гола было б няма каго і прызначыць. А калі б так здаралася кожны раз, калі надыходзіў гэты доўгачаканы юбілейны момант? Карціна выглядала б, мякка кажучы, не прывабна: 100 – тэхнічны гол, 200 – тэхнічны гол, 300 – тэхнічны... Нейкая тэхнічная гісторыя атрымлівалася б. Таму наша пазіцыя ў гэтым выпадку адназначная – тэхнічныя галы ў агульны спіс не ўключаць.
Складаней вызначыцца з двума забітымі ў гэтых матчах галамі. Ці ўносіць іх аўтараў у агульную табліцу забітых камандай галоў ці не? Меркаванне аматараў статыстыкі з гэтай нагоды падзяліліся. Хтосьці безапеляцыйна казаў, што такія галы лічыць ні ў якім разе нельга, а хто наадварот, выступаў за іх падлік. Пакутавалі доўга і вырашылі ўсё ж лічыць: матчы граліся, футбалісты змагаліся, а галы забіваліся...
Такім чынам, парадкавы нумар забітага жоўта-зялёнымі гола ад «Прэсбола» і ад «Нёмана» вылічаюцца так:
Х (чыстых галоў) + 3 (тэхнічных) = усяго галоў (па дадзеных газеты)
Х (чыстых галоў) + 2 (ануляваных) = усяго галоў (па дадзеных клуба)
Колькасць чыстых галоў будзе роўна заўсёды (на 2016/08/25 – 796). Розніца атрымліваецца за кошт дададзеных да іх мячоў і складае на сёння адзін забіты мяч. Зыходзячы з гэтага, звыклы прэсболаўскі спіс аўтараў юбілейных галоў гродзенскага клуба ў чэмпіянаце Беларусі зведаў змены, і выглядае наступным чынам:
# | сезон | дата | горад | супернік | вынік | аўтар | гол |
---|---|---|---|---|---|---|---|
1 | 1992 | 18.04.1992 | Гродна | Абутнік (Ліда) | 1:0 | Мазурчык Юрый | 1:0 (44', пенальці) |
100 | 1994/95 | 16.10.1994 | Гродна | Ведрыч (Рэчыца) | 2:1 | Юйко Віктар | 2:1 (57') |
200 | 1998 | 25.06.1998 | Мінск | Дынама (Мінск) | 2:1 | Цыбуль Сяргей | 1:1 (50') |
300 | 2000 | 19.10.2000 | Гродна | Дынама (Брэст) | 3:1 | Давыдаў Сяргей | 1:0 (33') |
400 | 2002 | 03.11.2002 | Брэст | Дынама (Брэст) | 1:1 | Тарашчык Віталь | 1:0 (45') |
500 | 2006 | 24.09.2006 | Гродна | Тарпеда (Жодзіна) | 2:0 | Кавалюк Сяргей | 2:0 (21') |
600 | 2010 | 03.07.2010 | Бабруйск | Белшына (Бабруйск) | 2:0 | Дземідовіч Вадзім | 2:0 (55') |
700 | 2013 | 27.04.2013 | Гродна | Дняпро (Магілёў) | 1:1 | Чарных Фёдар | 1:0 (23', аўтагол) |
800 | 2016 | 10.09.2016 | Гродна | Белшына (Брабруйск) | 1:0 | Васькоў Арцём | 1:0 (65') |
800-ы гол у выкананні Арцёма Васькова
Тым не менш, нягледзячы на прадстаўленую альтэрнатыўную версію юбілейных галоў, мы не забываем, як выглядае гэты спіс галоў ад «Прэсбола».
# | сезон | дата | горад | супернік | вынік | аўтар | гол |
---|---|---|---|---|---|---|---|
1 | 1992 | 18.04.1992 | Гродна | Абуднік (Ліда) | 1:0 | Мазурчык Юрый | 1:0 (44', пенальти) |
100 | 1994/95 | 02.10.1994 | Салігорск | Шахцёр (Салігорск) | 1:1 | Троска Дзмітрый | 1:1 (31') |
200 | 1998 | 14.06.1998 | Слонім | Камунальнік (Слонім) | 2:1 | Цыбуль Сяргей | 2:1 (75') |
300 | 2000 | 29.09.2000 | Гродна | Нафтан-Дзевон (Наваполацк) | 6:2 | Дзенісеня Аляксей | 5:2 (80') |
400 | 2002 | 30.10.2002 | Гродна | Дынама-Мінск (Мінск) | 2:0 | Радушка Алег | 1:0 (25') |
500 | 2006 | 28.08.2006 | Гродна | Дарыда (Мінскі раён) | 1:0 | Крывабок Ігар | 1:0 (28') |
600 | 2010 | 03.07.2010 | Бабруйск | Белшына (Бабруйск) | 2:0 | Дземідовіч Вадзім | 1:0 (44') |
700 | 2013 | 17.04.2013 | Гродноа | БАТЭ (Барысаў) | 2:1 | Савасцьянаў Яўген | 2:1 (50') |
800 | 2016 | 27.08.2016 | Мінск | Мінск (Мінск) | 1:0 | Савіцкі Павел | 1:0 (13') |
800-ы гол у выкананні Паўла Савіцкага